التطبيل والقناع المزيف




بقلم : جاكلين فخرى حنا

التطبيل والرقص علي الحبلين
اه كله بيطبل بمعنى تعالي ادخل اى شركه هتلاقي موظفين كتير بيطبلو للمدير علشان إيه علشان علاوة أو حوافز أو مايخصمش منه لو اتاخر او مجاش الشغل ومش في الشركات بس دة كمان في كل موسسه وكل مكان بتلاقي التزيف وكله نفاق ومدح من أجل الوصول للغايه

وعلشان ايه دة كله!!!!!!!!!!!
طبعا ومؤكد انهم فاكرين بكدا هيدخلو منطقه الحمايه بالمدح المزيف اللي مش بيخدم الدوله بيخدم بس مدير العمل

وظاهرة موجودة واكيدة وهى إنك تلاقي العصفور اللي بيطير ويلمع ( الاوكر ) و بيوصل كل حاجه للمدير
والضحك علي الدقون بمعنى أوضح

ويجى سؤال ليه اللي بيطبل بيعمل كدا وواثق في اللي بيعمله وبيستمر فيه ؟؟؟؟؟
لان مدير العمل أو اللي في منصب هما عاوزين كدا بيحبو النفاق بيحبو إللي بيضحك عليهم بمعنى أوضح وبالتأكيد بيدوهم فرصه وطبعا اللي بيطبلو بيلعبو علي ١٠٠ حبل وبيكونو عارفين من جواهم متاكدين أن أصحاب القرار لا يحبون الكلام الصادق ولا الحقيقه هما عاوزين بس النفاق والكذب والنميمه

وأعتقد أن من اسوء الدول إنجازا هى التى تعتقد أن التطبيل والمدح المزيف هما اللي بيسطرو علي عقول الناس
وطبعا الأسلوب دة من النفاق والتطبيل شئ محزن لكل فرد بيعمل ويخاف علي بلدة وعلي نهوضها


يدور سؤال في داخلي هل المحسوبه الدينيه اصبحت ضمن التطبيل ؟؟؟؟؟؟؟؟
صح طبعا لان وصل الأمر ان الشخص المتدين او عامل نفسه متدين شخص مزدوج في الظاهر متدين وفي الداخل يعمل أعمال فاسدة وبسبب التطبيل وكله بيطبل

سؤال بيطرح نفسه التطبيل بردو ضمن الفساد الموجود؟؟؟؟
نعم التطبيل من ضمن الفساد لأن مافيش إنجاز مافيش شغل بجد كله بيجرى وراء الكلام المعسول المزيف وراء الاخبار الغير حقيقيه وبالتالي دة بيسبب عدم امانه في العمل عدم صدق و خبرة !!!!!!!!!!!


بمعنى الخبرة يكون واحد مش فاهم شغله ولا بيعمل صح وينافق ويطبل للمدير وبالتالي المدير بينسي وتلاشي تقصيرة وعدم خبرته في الشغل وكمان بيكافاة ويديه حوافز يبقي دة فساد ولا لا الفساد موجود بس يا ترى هنقدر نمحى هذا الفساد والتطبيل اللي بيعمل فجوة في داخل كل مؤسسه وشركه وعلي مستوى كل عمل بلا استثناء

وهنا بإيجاز !!!!!
لا يبنى الوطن وتنمو الدوله والمتطبلون موجودين فيها
وإنما يبنيها القادة الحقيقيون اللي بيرسمو هدف محدد في المستقبل
ويعملو وباصرار واجتهاد للوصول إلي نهضه البلد

إرسال تعليق

0 تعليقات