بروفايل شهداء القلمون: الشهيد مينا حبيب البابا كيرلس حلقة وصل بين شهيدين الأب والإبنة




كتب: مينا مسعد

الأسم: الشهيد مينا صموئيل غطاس

تاريخ الميلاد: 25/2/1986

السن: 31 سنة

المؤهل: بكالوريوس تجارة

اسم الزوجة: ماري جرجس

الأبناء:
ماروسكا (شهيدة)
سيلينا

شفيعه:
البابا كيرلس

العمل:
كان يعمل مع والده الشهيد صموئيل غطاس منذ صغره فى أعمال البناء

خدمته:
كان شماس مواظباً على حضور القداسات كل يوم أحد
وكان يقدس يوم الأحد جدًا، ويقول ده يوم ربنا.
كان الشهيد مينا يبدأ بالقداس ويكمل خدمته مدارس الأحد بكنيسة مار مينا والبابا كيرلس فى فصل حضانة.

أخر أسبوع فى مدارس الأحد قبل استشهاده أخبر الأمهات أنه هيسيب الخدمة وهيكون فى خادم أفضل منه يمسك فصل حضانة.

وكان الشهيد مسئول عن المواصلات في الكنيسة ويجيب الأطفال من بيوتهم للكنيسة.

حياته الروحية:

كان مواظباً على الصلاة صباحاً وليلاً وعلى قراءة الإنجيل قبل ذهابه إلى الشغل
وكان يومياً يجمع الاسرة المكونه من 4 أفراد ويصلوا فى مذبح عائلي.


كان الشهيد مينا مواظبا على حضور أسبوع الآلام ويرفض الشغل فيه ويقول ده أسبوع ربنا وكان يحضر الأسبوع كله فى الكنيسة ويكون من أوائل الناس إللى بتحضر
كان دائما كلامه عن الموت وكانت الكلمه المشهورة في صلاته أكتب اسمائنا فى سفر الحياة.

صفاته:

إنسان خدوم جدًا وأمين في شغله وبيته وحياته وأمين مع ربنا، ولو فى يوم فلوس الخدمة عجزت معاه كان يقول إن ربنا هيبعت شغل علشان نطلع عشورنا للخدمة وفعلا ربنا بيبعت الشغل.

كان حريص كل سنه فى عيد حبيبه وشفيعه البابا كيرلس يذهب لزيارته فى إسكندرية وفى سنه من السنين كان قاعد من الشغل وقال مفيش فلوس نزور البابا كيرلس السنه دى، فقال لو عايزنا نروحله هيبعت شغل وفعلا بعت شغل وزار حبيبه البابا كيرلس، بالإضافة إلى خلواته المتكررة بدير أنبا صموئيل المعترف.

معلومات عن الشهيد:
الشهيد من ضمن الشهداد الموجودين داخل المزار بجوار كنيسة الشهداء بدير أنبا صموئيل المعترف، ومن ضمن ٨ شهداء من مركز بنى مزار.

بركة صلاته ودمائه الطاهرة تشملنا جميعًا آمين

إرسال تعليق

0 تعليقات