بروفايل شهداء القلمون: بيشوي عياد أخذه البابا كيرلس قبل الحادث وآراه السماء





كتب _ مينا مسعد

الأسم: الشهيد بيشوي عياد

موليد: 2002/10/1

السن: 15سنة

اسم والده: عياد عزيز

اسم والدته: نورا محسن

الأخوات: مارينا عياد، وبسنت عياد

الشفيع:
البابا كيرلس

جده الشهيد محسن وخالو الشهيد سامح والشهيد هاني

حياته:

أحب الشهيد بيشوي الذهاب للكنيسة والاستيقاظ مبكرًا يوم الجمعة لحضور القداس الآلهي.

وبحسب ما ذكرته عائلة الشهيد عنه "كان بيحب يصلي بس من غير ما حد يشوفو...بيشوي كان بشوش وبيحب الهزار وكل اصحابه كانو بيحبو جدا مكنش بيحب يظلم حد ولا يرد علي حد بشتيمه...هو كان بيحب يدرس كان متفوق ف دراسته وحصل علي الشهادة الإعدادية، وكان هدفه أنه يبقي مهندس..وكان شماس بيحب يقول المردات وكان بيحفظ ألحان كتير".

وأكملت العائلة "بيشوي قبل الحادثة شاف البابا كيرلس شالو علي كتفو وكان بيوريه السماء..وشاف رؤيا تاني كان بيعمل مطانيات في الكنيسة وشاف السيد المسيح كان علي الصليب..وكان كاتب آية من الكتاب المقدس بتقول( ليس احد يصعد اللي السماء اللي الذي نزل من السماء ابن الله الذي ف السماء)".

معجزات الشهيد:

"حصلت معجرات كتير ليه بعد الحادثه كان ف ناس مبتحملش أديلها سنين وفى النهاية حلموا بطفل بعدتشفعهم بالشهيد بيشويوكمان سموه علي اسمه.. وكمان مع الطلاب لما كانو بيطلبو وحصل معجزه كمان قويه شويه وحده ابنها كان عندو كانسر ف اثر علي السمع وكمان مكنش بيتكلم لما مامت الولد ده طلبت من الشهيد بيشوي انها تسمع صوته وفعلا سمعت صوته وبقى كويس..والد الشهيد بيشوي كان كل لما يصلي يشوفو ف حضن العدرة".

معلومات عن الشهيد:
بيشوي من مواليد الفشن
جسده موجود ف قرية 3 الكرمة من ضمن ٧ شهداء قرية نزلة حنا ومعهم جسد ابونا سمعان الشهيد.

بركة صلاته ودمائه الطاهرة تشملنا جميعًا آمين


إرسال تعليق

0 تعليقات