برروفايل شهداء القلمون: هاني عادل حبيب الأطفال..قبل استشهاده "هي السما شكلها إزاي؟"




كتب: مينا مسعد

الاسم: الشهيد هاني عادل

تاريخ الميلاد: /19/11/1990

السن وقت الاستشهاد: 26سنة و6أشهر

اسم الأب: عادل رزق

اسم الأم : نادية شاكر عوض

اسماء الإخوات: ايمان، ابراهيم، سهام زوجة الشهيد سامح محسن، سمر، كيرلس، رزق

المؤهل: حاسبات ومعلومات

الشفيع: لبابا كيرلس والانبا انطونيوس

صفاتة: اتسم بالابتسامة الصافيه كل ماتشوف وشه لازم يكون يضحك رغم هموم الدنيا عمره مكشر ابدا، وكان محب لدرجة غريبة المحبة بتاعته كانت للجميع وخصوصا الأطفال، لم يبخل في يوم على احد بأي شي، وكان صديق حميم للشهيد بيشوي، محب للخدمة غيور على كنيسته.
خدم الأطفال بقلب واكتشفنا بعد استشهاده أنه كان له خدمات مخفيه لذوي الاحتياجات لم يعلم احد عنها، كان قلبه قلب شهيد يتمنى السما.

ترك رسالة على صفحته"فيسبوك" بعد حادث طنطا انه نفس يكون مع الشهداء وفعًلا بعد أربعين يوم انضم لموكب النصرة.

قبل الاستشهاد سأل اختة سؤال غريب قالها هي السما شكلها ايه؟ وتفكري هنروحها؟ ولينا مكان فيها؟

كانت كلمته دايمًا كل عيد لإخواتة لما يسألوه عن لبس إخوة الرب انت هتاخد لبسك من لبس اخوه الرب كان يقولي كلنا اخوات رب يااخوتى هو احنا نطول نلبس من حجاتهم
وميرضاش يلبس اللبس اللي اشتراه جديد.

قالت اختة وقت الحادث، "وقت مهجموا علينا دافع عنا بكل قوه وحاول يكمل ال سامح عمله وقاعد ع الباب وشده عليه برجله عشان ميفتحش وكان عمال ينادي ع الانبا صموئيل ويقولي متخافيش."

"واستشهد وهو ماسك ايدي وباصص للسما وبيضحك كأنه بيقولي انا خلاص ارتحت من كل تعب ومن ارض مليانه شقى لدرجه بعد موته مكنش بيضحك بس لما لقيته في الكفن كان مبتسم جدًا"

معجرات الشهيد هاني:


في حفلة اتعملت من الأطفال لخدمة التوحد الذهنى على اسم الشهيد وكانت المفاجأة بنت عندها توحد اتكلمت وبقت تقولهم "هاني اهو بيقولى باي وبقت تشاور على السما ودي اول مره تنطق"

مكان دفن الشهيد

الشهيد هاني تابع لإبراشية ببا والفشن ويوجد جسدة داخل مقصورة ف قرية ٣ الكرمة مع ٧شهداء الإبراشية وابونا سمعان شحاتة.

بركة صلواته ودمائه الطاهر تشملنا جميعًا آمين





إرسال تعليق

0 تعليقات