أبانوب بشارة يكتب: رسالة حب لكل خاطي من وجهة نظر المجتمع





اعتذار لو شايف إنك كويس مفيش غلط عندك، بلاش تقرأ هذا المقال
تخيل معي لو كان الانبا موسي الاسود قرر يتوب في 2020
الناس هتضحك وتنزله خطاياه مواقع التواصل الاجتماعي ، نفس الكلام مع اغسطينوس الفاجر!! لكن شاطرين جدا ان في اجتماعات نقول الترانيم عن موسي و اغسطينوس و نشوف خادم أو كاهن بيقف علي المنابر و يتكلم عن القصص دي
لكن مع الأسف هي مجرد قصص عند القيادات و المجتمع
الفرق بينك و بين بقي الناس إللي إنت و آنتي شايفينهم مش كويسين ، إن الله يسترها عليك يمكن تكون بتتكلم و بتحذر الناس عن حاجه معينه و انت بتعمل أسوء منها


فكره انك تتغير في المجتمع للأحسن، ده صعبه لما تجي تتغير بلاش تركز مع الناس علشان الناس لما بتاخد فكره عن حد مش سهل تتغير لكن انت ركز في تغير للاحسن و أستمر في كده علشان التغير ده هيكون الاحسن لك و يمكن ربنا يستخدامك زاي موسي الاسود و السامريه


خليك واثق في ربنا جدا أنة يقدر يغير خليك واثق في نفسك كلام إلناس و نظرات الناس ليك هتكون صعبة لكن اطلب شفاء لا يغادر سقما من الله ، أنت قوي إنك تكون حقيقي في مجتمعنا العقيم إنت شجاع إن بتحاول تتغير إنت بطل في نظر الله


رساله لكل شخص بلاش تكون سبب من اسباب الاحباط لشخص بيتغير علشان انت مش عارف ظروف الشخص ده علشان بقي كده خلي عندك رحمة ، أستر عليه حتي لو عارف كوارث عنه ، بلاش نظرة إنك بتمثل مش يمكن يكون بجد و الدور عليك في التغير، كلامك السلبي أو حتي علي سيبل الهزار ممكن تكون سبب إن شخص يحاول ينتحر


رسالة لكل شخص مدمن أو عنده يأس أو إحباط أو بتفكر في انتحار أو فشل إنت شخص مميز جدا إنت تقدر إنت الله بيحبك حب غير مشروط حتي لو أهلك أو أصحابك و كل الناس مش بتحبك الله بيحبك اطلب من الله إنك تشوف الحب العظيم ده
انا بحبك

إرسال تعليق

0 تعليقات