صدق ليك مكان




 بقلم :ابانوب بشارة

صدق إن ليك مكان يمكن زمان كنت شايف علشان يكون ليا مكان في حضن الله لازم أعمل حاجات كتير علشان يكون ليا مكان بس بعد تجربه كبيرة أحب اقول لكل شخص .

صدق ليك مكان و إنت خاطي و إنت بتحب الافلام الاباحية و إنت وسط العلاقات و غرقان في الجنس إنت ليك مكان مميز جدا عند يسوع.

صدق ليك مكان و إنت مجروح من شخص أو شايف إن مفيش ليك مكان في شلة أو حتي في البيت و الأسرة و شايف إنك وحيد صدق ليك مكان عنده هو شلة و أسرة و صديق.

صدق ليك مكان وسط الإحباط و الفشل في كل حاجه بتعملها و كل الناس شايفه إنك فاشل لكن عنده ليك مكان

صدق ليك مكان رغم إن أوقات بتكون شايف إنه الإله قاسي و يوصل بيك الأمر إنك تكون زعلان منه علشان أخد حاجه حلوه منك أو حد قريب منك جدا راح السماء و بتكون رفض إنك تتكلم معه بس في الحقيقة أوقات كتير بتكون دي نصف الصورة هو برضوا مقدر ده جدا و ليك مكان عنده

صدق ليك مكان عنده رغم إن ممكن بعض رجال الدين كان سبب تشويه صورته و إنت بدأت تشوف يسوع مشهوه هو لسه بيقول أنا مش كده و مستني تجي أعرفك أنا مين

صدق ليك مكان و إنت مدمن مخدرات و جنس و علاقات و مرفوض من كل الناس هو بيحبك جدا

إرسال تعليق

0 تعليقات